Foto: RBK
Alaida Vladimir Pýtin bul 30 kún qalai paidalanylatynyna alańdaýly. Resei Federatsiiasynyń prezidenti ýaqytsha bitim kezinde Ýkraina mobilizatsiia men jańa sarbazdardy daiyndaýmen ainalyspaitynyna, sondai-aq qarý-jaraq almaitynyna kepildik qajet ekenin málimdedi, dep habarlaidy Ult.kz.
"Kýrsk oblysynda bári Resei Federatsiiasynyń tolyq qarýly baqylaýynda. Ýkrainalyq áskerlerdiń Kýrsk mańyndaǵy qorshaýdan shyǵýy múmkin emes", — dep málimdedi Vladimir Pýtin Belarýs prezidenti Aleksandr Lýkashenkomen kezdesýden keiingi birlesken baspasóz máslihatynda.
Resei prezidenti atysty toqtatqan jaǵdaida baqylaý men tekserý máseleleriniń áli túsiniksiz ekenin aitty. Onyń oiynsha, Ýkrainadaǵy eki myń shaqyrymdyq bailanys shebinde atysty toqtatýdy baqylaý qiyn.
"Bitim ideiasy durys, biraq talqylaýdy qajet etetin máseleler bar, sonyń ishinde AQSh-pen", — dep qorytyndylady Pýtin.
Múmkin, Tramppen telefon arqyly sóilesý qajet bolatyn shyǵar.
Osy ýaqytta Resei prezidentiniń kómekshisi Iýrii Ýshakov «Izvestiia» basylymyna Vladimir Pýtin AQSh prezidentiniń arnaiy ókili Stiv Ýitkoffpen «búgin keshke jabyq formatta» kezdesetinin habarlady.
