Getty Images
"Ýkrenergo" kompaniiasy Reseidiń jappai shabýylynan keiin Ýkrainada elektr energiiasyn sóndirý sharalarynyń keńeitilgenin habarlady, dep jazady Ulysmedia.kz.
"Energetikter energetikalyq júiege teris áserdi azaitý úshin qajetti barlyq sharalardy qabyldaýda. Qaýipsizdik jaǵdaiy rettelgennen keiin, keltirilgen shyǵyndar naqtylanatyn bolady", – delingen habarlamada.
Sonymen qatar, "Ýkrenergo" 13 jeltoqsan kúni tańerteń Telegram-da eldegi energetikalyq nysandarǵa jasalǵan jappai raketalyq shabýyldan keiin energiia tutynýdy shekteý sharalarynyń aýqymy artqanyn málimdedi.
"Aktýaldy óshirý kestesin ózińizdiń oblystyq energiiamen jabdyqtaý kompaniiasynyń saitynan nemese resmi paraqshalarynan kóre alasyz", – delingen habarlamada.
RESEI ShABÝYLY
Ýkrainanyń "Dýmskaia" onlain-basylymy Odessadaǵy tilshisine silteme jasap, 13 jeltoqsan kúni tańerteń qalada birneshe jarylys bolǵanyn habarlady.
"Resei Qara teńizden "Kalibr" jáne ballistikalyq zymyrandarmen qalamyzǵa shabýyl jasady", – dep jazylǵan maqalada.
Basylymnyń málimetinshe, 13 jeltoqsan kúni tańerteń Odessanyń keibir aýdandarynda elektr jáne sý berý toqtatylǵan.
Odessa oblystyq áskeri ákimshiliginiń basshysy Oleg Kiper shabýyl saldary týraly Telegram-da aqparat jariialamaǵan.
.jpg)