government.ru
Resei úkimeti resmi túrde otstavkaǵa ketti. Bul týraly Resei ministrler kabinetiniń Telegram-arnasynda aityldy, - dep habarlaidy Tengrinews.kz tilshisi.
Resei premer-ministri Mihail Mishýstin úkimetti otstavkaǵa jiberý týraly jarlyqqa qol qoidy.
"Resei Federatsiiasynyń Úkimeti týraly" Federaldyq konstitýtsiialyq zańnyń 35-babyna sáikes, Resei Federatsiiasy Úkimetiniń jańadan sailanǵan Resei prezidenti aldyndaǵy ókilettigin toqtatý týraly sheshimi Resei Federatsiiasynyń prezidenti qyzmetine kirisken kúni Úkimettiń buiryǵymen resimdeledi", - delingen Resei Federatsiiasy ministrler kabinetiniń habarlamasynda.
Premer-ministr, onyń orynbasarlary men ministrler ministrler kabinetiniń jańa quramy bekitilgenge deiin mindetin atqarýshy mártebesinde jumysyn jalǵastyrady.
Sondai-aq, Resei Federatsiiasy prezidenti Ákimshiligi basshylyǵynyń ókilettigi avtomatty túrde aiaqtalady. Bul memleket basshysynyń ózi taǵaiyndaityn qyzmetter týraly bolyp otyr. Zańǵa sáikes, qyzmetke kirisken prezidenttiń sheshimimen mundai qyzmetkerlerge óz mindetterin ýaqytsha atqarý júktelýi múmkin.
.jpg)