Resei Tatarstanǵa dron soqqysy Qazaqstan aýmaǵynan jasalǵan degen aiyptaýǵa Qazaqstannyń Qorǵanys ministrligi jaýap berdi.
"Keibir Telegram-kanaldarda Tatarstan Respýblikasynyń obektilerine shabýyl jasaǵan ushqyshsyz basqarylatyn qurylǵylardyń Qazaqstan aýmaǵynan ushyrylǵany týraly taralǵan aqparat shyndyqqa janaspaidy", - delingen málimdemede.
Sondai-aq, mundai jalǵan málimet QR bedelin túsirýge baǵyttalǵany aitylady.
"Osyǵan bailanysty azamattar men buqaralyq aqparat quraldaryna taralǵan qaýesetterge mán bermeýin jáne tek resmi aqparat kózderine senýin suraimyz", - delingen habarda.
Aita keteiik, ministrliktiń Telegram-kanaldarda taraǵan qaýeset dep otyrǵany reseilik general Andrei Gýrýlevtiń sózi. Ol búgin Tatarstanǵa jasalǵan soqqylar "Orta Aziia respýblikalarynan" ushyp kelýi múmkin dep boljamyn aitqan.
