Resei syrtqy ister ministrligi aýmaqta terroristik uiym sanalyp kelgen "Taliban" qozǵalysynyń áskeri jetistikterine oń baǵa berdi, dep habarlaidy Azattyq.
Resei syrtqy ister ministrliginiń Aziia departamentiniń direktory Zamir Kabýlov tálipter Aýǵanstannyń soltústigindegi aýmaqty basyp alý kezinde ózge toptardy joiyp jatyr dep málimdedi. Onyń sózinshe, olar - tek Aýǵanstandy emes, Ortalyq Aziia, Pákistan, Iran elderin nysanaǵa alǵan toptar.
"Sol sebepten de, "Talibannyń" is-áreketi Reseidiń Ortalyq Aziia áriptesteriniń qaýipsizdigi úshin "mańyzdy faktor" retinde sanalady" dep atap ótti Zamir Kabýlov.
Osynyń aldynda "Taliban" delegatsiiasy Máskeýge baryp, Reseidiń SIM ókilderimen kezdesý ótkizgen.
Mamyr aiynan beri Aýǵanstan jerinen AQSh jetekshilik etetin halyqaralyq koalitsiia áskeri shyǵyp jatyr. Sodan beri "Taliban" qozǵalysy aimaqqa yqpalyn keńeitip jatyr, soltústik óńirdiń birazyn basyp aldy.
