Resei Federatsiiasynyń prezidenti Vladimir Pýtin jaýlyq áreketter anyqtalǵan jaǵdaida sheteldik internet-platformalarǵa shekteý qoiý máselesin qabyldaýy múmkin ekenin málimdedi, dep habarlaidy TASS agenttigi.
Vladimir Pýtinniń aitýynsha, el biligi Reseidiń «óziniń» balamaly ónimi bolmaiynsha «eshteńeni qolǵa almaidy».
«Máselen, mende birdeńeni burap bekiterlik niet joq. Biraq qandai da bir jaýlyq áreketter iske asyrylsa, men mundai áreketti (shekteýdi) joqqa shyǵara almaimyn. Bizdiń elge qarsy jaýlyq áreketterge jol berilmeidi», - dedi Vladimir Pýtin reseilik BAQ-tyń bas redaktorlarymen kezdesý barysynda.
«Burap bekiterlik jaǵdai ózimizdiń múmkindigimiz bolǵanda ǵana bolady. Bári de sol kezdegi jaǵdaiǵa bailanysty», - deidi reseilik kóshbasshy.
Onyń oiynsha, eger sheteldegiler «balama baryn kórse, osy naryqta monopoliialyq tártipke ie bolmasa, ózderin basqasha ustaidy».
«Bizdiń azamattarǵa problema týyndatarlyq jáne qoldanýshylarǵa kedergi bolarlyq qoldan eshteńe istemeimiz. Sebebi ol ádis bizge unamaidy. Joq, árine. Alaida jasyryn shabýyldarǵa kelsek, álbette oǵan jaýap bermei otyra almaimyz. Meniń oiymsha, olar naryqtaǵy monopoliiasyn joǵalta bastaǵanyna qarai jaǵdaidy túsine bastaidy», - dedi ol.
