Jyl sońyna deiin aýyr klastaǵy «Proton-M» tasymaldaýshy zymyrandaryna arnalǵan qozǵaltqyshtardy shyǵarý toqtatylady. Bul týraly «Energomash» ǵylymi-óndiristik birlestiginiń bas direktory Igor Arbýzov málim etti.
RIA Novosti taratqan habarlarǵa qaraǵanda, buryn «Roskosmos» basshysy Dmitrii Rogozin qazirgi kelisimsharttar oryndalǵannan keiin «Protondardyń» shyǵarylýyn toqtatý mindetin qoiǵan. Budan bylai ǵaryshqa tek «Angar» zymyrandary ushyrylady.
«Jyl sońyna deiin qozǵaltqyshtar óndirisin toqtatamyz. «Proton» zymyrandaryn ushyrý boiynsha jańa kelisimsharttar jasalmasa, keler jyldan bastap bular shyǵarylmaidy», - deidi Arbýzov.
Osyǵan bailanysty, «Proton-PM» qozǵaltqyshtaryn shyǵarýdyń ornyna birlestik janarmai-energetika keshenderine arnalǵan ónimder shyǵarý, aviatsiialyq qozǵaltqyshtar bazasynda gaz-týrbinalyq qondyrǵylardy synaqtan ótkizý, gaz-týrbinalyq elektr stantsiialaryn qurastyrý jáne synaqtan ótkizý siiaqty mindetterdi atqaratyn bolady.
