Foto: Artem Ivanov / TASS
Resei Federatsiiasynyń prezidenti Vladimir Pýtin beisenbi kúni tańerteń Qytai Halyq Respýblikasynyń astanasy Beijińge eki kúndik memlekettik saparmen bardy.
"Bul V.Pýtinniń Resei prezidenti qyzmetine jańa merzimge kiriskennen keiingi alǵashqy memlekettik sapary bolmaq", - dep habarlady Qytai Syrtqy ister ministrliginiń resmi ókili Van Venbin.
Onyń aitýynsha, sapar barysynda QHR tóraǵasy Si Tszinpin prezident Pýtinmen Qytai men Resei arasyndaǵy diplomatiialyq qarym-qatynastardyń ornatylǵanyna 75 jyl tolýy aiasyndaǵy ekijaqty qarym-qatynas máseleleri, túrli salalardaǵy yntymaqtastyq, sondai-aq ózara múddeni qozǵaityn halyqaralyq jáne aimaqtyq máseleler boiynsha pikir almasady.
TASS agenttiginiń habarlaýynsha, Resei prezidenti Beijiń men Harbinge barady. Qytai astanasynda Resei Federatsiiasy men Qytai Halyq Respýblikasy basshylarynyń kelissózderi tar jáne keńeitilgen quramda ótedi. Resei delegatsiiasynyń quramynda bes vitse-premer, ekonomika, diplomatiialyq jáne qaýipsizdik vedomstvolarynyń basshylary, Resei temir joldary, Rosatom jáne Roskosmos basshylary, sondai-aq Reseidiń 20 aimaǵynyń basshylyǵy bar.
Harbin qalasynda (Heilýntszian provintsiiasynyń ákimshilik ortalyǵy) Pýtin VIII «Qytai-Resei» EKSPO kórmesiniń ashylý saltanatyna jáne aimaqaralyq yntymaqtastyq jónindegi IV Resei-Qytai forýmyna qatysady.
QHR Bas keden basqarmasynyń málimetinshe, Qytai men Resei arasyndaǵy taýar ainalymy 2023 jyly 240 mlrd dollardan asty.
.jpg)