MMA sportshysy Baǵdat Dúisembaev Máskeýdiń ońtústigindegi fitnes-klýbtyń kúzetshisimen qaqtyǵys kezinde oq jaraqatyn alyp, aýrýhanaǵa jatqyzyldy. Bul týraly QazAqparat Sports.kz saityna silteme jasap habarlaidy.
«Keshe Ordjonikidze kóshesi, 10a mekenjaiyndaǵy fitnes-klýbtyń kúzetshisimen bolǵan janjal kezinde MMA sportshysy Baǵdat Dúisembaevtiń keýde tusyna oq tigen. Zardap shegýshi N.I.Pirogov atyndaǵy qalalyq klinikalyq aýrýhanaǵa jatqyzyldy», - dep taratty aqparatty TASS aqparat agenttiginiń derekkózi. Bul fakti boiynsha tergeý amaldary júrgizilýde.
Resei IIM 16 aqpanda Ordjnikidze kóshesinde eki er adam arasynda týyndaǵan janjal faktisi boiynsha tekseris bastalyp ketkenin málimdedi.
«Aldyn ala málimet boiynsha, janjaldasýshylardyń biri travmatikalyq qarý qoldanǵan. Jábirlenýshi kómek alý úshin meditsinalyq mekemege jetkizildi, oq atqan adam qashyp ketti», - dep habarlady bas keńseden.
Baǵdat Dúisembaev – Qazaqstan týmasy, onyń negizgi sport túri – erkin kúres. Sportshy jeti jekpe-jek ótkizip, onyń ekeýinde jeńiske jetip, tórteýinde jeńilip, bireýin teń aiaqtady.
