Resei 27 naýryzdan bastap koronavirýs keń taraǵan elderden turaqty jáne charterlik halyqaralyq áýe qatynasyn toqtatady. Bul týraly TASS agenttigi.
RF úkimeti baspasóz qyzmetiniń habarlaýynsha, osyndai sheshim el úkimeti janyndaǵy koronavirýstyń taralýyna qarsy kúres jónindegi Úilestirý keńesi prezidiýmy otyrysynda qabyldanǵan.
Alaida bul shekteý koronavirýs taraǵan elderden reseilikterdi jetkizý jumystaryna qatysy bolmaidy.
«2020 jyldyń 27 naýryzy, saǵat 00:00-den bastap Rosaviatsiia Resei áýejailarynan shetel áýejailaryna jáne olardan keri turaqty jáne charterlik ushýlardy júzege asyrýdy toqtatady. Buǵan koronavirýs indetiniń taralýyna bailanysty shet memleketterden reseilikterdi Resei Federatsiiasyna shyǵarýmen bailanysty reister enbeidi», - delingen otyrys qorytyndysy boiynsha júktelgen tapsyrmada.
