Foto: Viktor Fediýnin / Kazinform
Resei, Ózbekstan, Qytai jáne Eýropanyń birqatar elinen tarihi qundy muralardy qaitarý jumystary bastaldy. Bul týraly QR Mádeniet jáne aqparat ministri Aida Balaeva aityp berdi, - dep habarlaidy "Ult aqparat" Kazinformǵa silteme jasap.
«Biz mádeni nysandarymyzdyń jai-kúiin barynsha jóndep, laiyqty deńgeige shyǵarýymyz kerek. Bul jumys kezeń-kezeńimen jasalady. Qazirge deiin elimizdegi 3 mýzeidiń ǵimaratymen qatar ishki ekspozitsiiasyn zaman talabyna sáikes modernizatsiialaý kózdelgen. Ulttyq mýzei janynan ultymyzdyń san ǵasyrlyq tarihynan syr shertetin qundylyqtarymyzdyń ómirsheńdigin saqtap qalýǵa jaǵdai jasaityn aýqymdy restavratsiia ortalyǵy qurylady. Óitkeni, bul tarihi muralardy qalpyna keltirý, qorǵaý, nasihattaý úshin mańyzdy», - dedi A. Balaeva Qazmedia ortalyǵynda ministrliktiń alqa otyrysynda.
Sonymen birge olardyń ishki mazmunyn baiytýǵa erekshe kóńil bólinedi.
«Sondyqtan alys-jaqyn shetelderdegi bizdiń tarihi qundy muralarymyzdy qaitarý ministrliktiń basty nazarynda bolmaq. Kezinde túrli tarihi jaǵdailarmen shetel asqan ulttyq bailyǵymyzdy otanǵa oraltý basym baǵyt bolyp qala beredi. Árine, bul jumystar halyqaralyq zańnamaǵa sáikes júrgiziledi, áitse de biz búginde Resei, Ózbekstan, Qytai jáne Eýropanyń birqatar elimen tiisti jumystardy bastap kettik», - dedi ministr.
