Reseilik oppozitsioner Aleksei Navalnyi shamamen 2028 jylǵa deiin prezident sailaýyna qatysa almaidy, - dep málimdedi Resei Ortalyq sailaý komissiiasynyń basshysy Ella Pamfilova.
Sochide ótip jatqan jastar festivalinde Pamfilova Navalnyi men onyń jaqtastaryn 2018 jyldyń naýryzynda ótetin prezident sailaýyna túsýge "áýrelenbei-aq qoiýy keregin" aitty.
41 jastaǵy Navalnyi prezident sailaýy jaqyndǵan saiyn úgit-nasihat kampaniiasyn jandandyra túsken. Sailaýda prezident Vladimir Pýtin qaita túsip, tórtinshi merzimge sailanady degen boljam basym.
Biraq OSK maýsymda Navalnyi "Kirovles" isi boiynsha qarjylyq qylmys jasady dep sottalǵany úshin prezident sailaýyna túse almaitynyn málimdegen. Navalnyi bul qylmystyq qýdalaýdy "bilik saiasi maqsatpen qoldan jasaǵan" dep sanaidy.
"Navalnyi myrza bolashaǵy zor jas saiasatker, onyń múmkindigi mol" dedi Pamfilova. Biraq ol Navalnyidy sottalýyna bailanysty 2028 jyly jáne odan alty aidan soń ǵana prezident sailaýyna túse alatynyn aitty.
