Resei Prezidentiniń Siriia jónindegi arnaiy ókili Aleksandr Lavrentev reseilik BAQ-ta taraǵan bitimgerlik missiia úshin Siriiaǵa Qazaqstannyń áskeri jiberiledi degen aqparatqa orai pikir bildirdi, dep habarlaidy QazAqparat.
«Qazirgi ýaqytta Siriiadaǵy bitimgerlik missiia úshin qai elderden áskeri baiqaýshylar tartý málelesi kóterilýde. Resei Federatsiiasynan kontingenttiń qatysýyna eshkim de kúdik keltire almaidy. Sondyqtan biz TMD-nyń barlyq elderine ahýalǵa monitoringti birlese jasaý úshin aqylǵa qonymdy shekte kontingent jiberý múmkinshiligin qarastyrý týraly júgingen edik. Biz eshkimdi de qandai da bir sheshim qabyldaýǵa májbúrlemeimiz. Eger Qazaqstan basshylyǵy men Úkimeti mundai áskeri kontingent jiberý týraly sheshim qabyldaityn bolsa, onda biz ony qoldaityn bolamyz. Biraq, meniń bilýimshe, ázirshe Qazaqstan basshylyǵy naqty sheshim qabyldaǵan joq», - dedi ol Astanada ótken Siriia boiynsha halyqaralyq kezdesýdiń qorytyndysyna arnalǵan brifingte.
