Foto: Twitter / @Podolyak_M
Ýkraina men Resei delegatsiialary arasyndaǵy kelissózder video formatynda úzdiksiz jalǵasyp jatyr. Bul týraly Twitter-de Ýkraina prezidenti keńsesi basshysynyń keńesshisi Mihail Podoliak aitty, - dep habarlaidy Tengrinews.kz.
"Resei delegatsiiasymen aradaǵy kelissózder video formatynda úzdiksiz jalǵasyp jatyr. Arnaiy jumys toptary quryldy", - dep jazdy ol.
Resei prezidenti Vladimir Pýtin 12 naýryzda telefon arqyly sóilesý barysynda Frantsiia prezidenti Emmanýel Makron men Germaniia kantsleri Olaf Sholtske "keiingi kúnderi" "Resei men Ýkraina ókilderiniń birqatar kelissózi ótkenin" aitty.
"Ýkrinform" basylymynyń málimetinshe, Ýkraina prezidenti Vladimir Zelenskii 12 naýryzda ótken baspasóz máslihatynda kelissózder barysy týraly bylai dep túsindirgen: "ýkrainalyqtar men Resei ókilderi basqa da máselelerdi talqylap jatyr, ýltimatým qoimastan, birnárse týraly aita bastady".
Eske salaiyq, kelissózderdiń alǵashqy úsh raýndy Belarýste ótti: 28 aqpanda - Gomel oblysynda, 3 jáne 7 naýryzda - Brest oblysynyń Belovej toǵaiynda. Buǵan deiin ekinshi raýnd barysynda taraptar azamattardy evakýatsiialaý, azyq-túlik pen dári-dármek jetkizý úshin gýmanitarlyq dálizderdi birlesip qamtamasyz etý boiynsha kelisimge qol jetkizgen bolatyn.
