فوتو: Twitter / @Podolyak_M
ۋكراينا مەن رەسەي دەلەگاتسييالارى اراسىنداعى كەلٸسسٶزدەر ۆيدەو فورماتىندا ٷزدٸكسٸز جالعاسىپ جاتىر. بۇل تۋرالى Twitter-دە ۋكراينا پرەزيدەنتٸ كەڭسەسٸ باسشىسىنىڭ كەڭەسشٸسٸ ميحايل پودولياك ايتتى, - دەپ حابارلايدى Tengrinews.kz.
"رەسەي دەلەگاتسيياسىمەن اراداعى كەلٸسسٶزدەر ۆيدەو فورماتىندا ٷزدٸكسٸز جالعاسىپ جاتىر. ارنايى جۇمىس توپتارى قۇرىلدى", - دەپ جازدى ول.
رەسەي پرەزيدەنتٸ ۆلاديمير پۋتين 12 ناۋرىزدا تەلەفون ارقىلى سٶيلەسۋ بارىسىندا فرانتسييا پرەزيدەنتٸ ەممانۋەل ماكرون مەن گەرمانييا كانتسلەرٸ ولاف شولتسكە "كەيٸنگٸ كٷندەرٸ" "رەسەي مەن ۋكراينا ٶكٸلدەرٸنٸڭ بٸرقاتار كەلٸسسٶزٸ ٶتكەنٸن" ايتتى.
"ۋكرينفورم" باسىلىمىنىڭ مەلٸمەتٸنشە, ۋكراينا پرەزيدەنتٸ ۆلاديمير زەلەنسكيي 12 ناۋرىزدا ٶتكەن باسپاسٶز مەسليحاتىندا كەلٸسسٶزدەر بارىسى تۋرالى بىلاي دەپ تٷسٸندٸرگەن: "ۋكراينالىقتار مەن رەسەي ٶكٸلدەرٸ باسقا دا مەسەلەلەردٸ تالقىلاپ جاتىر, ۋلتيماتۋم قويماستان, بٸرنەرسە تۋرالى ايتا باستادى".
ەسكە سالايىق, كەلٸسسٶزدەردٸڭ العاشقى ٷش راۋندى بەلارۋستە ٶتتٸ: 28 اقپاندا - گومەل وبلىسىندا, 3 جەنە 7 ناۋرىزدا - برەست وبلىسىنىڭ بەلوۆەج توعايىندا. بۇعان دەيٸن ەكٸنشٸ راۋند بارىسىندا تاراپتار ازاماتتاردى ەۆاكۋاتسييالاۋ, ازىق-تٷلٸك پەن دەرٸ-دەرمەك جەتكٸزۋ ٷشٸن گۋمانيتارلىق دەلٸزدەردٸ بٸرلەسٸپ قامتاماسىز ەتۋ بويىنشا كەلٸسٸمگە قول جەتكٸزگەن بولاتىن.
