Túrkiia, Resei jáne Iran syrtqy ister ministrleri (soldan ońǵa qarai) Mevliýt Chavýshoglý, Sergei Lavrov jáne Mohammad Javad Zarif. Máskeý, jeltoqsan 2016 jyl.
Túrkiia syrtqy ister ministri Mevliýt Chavýshoglýdyń málimdeýinshe, Ankara men Máskeý Siriiadaǵy qaqtyǵysty toqtatý týraly kelisim jobasyn daiyndady. Chavýshoglý qaqtyǵysty saiasi jolmen sheshýdi qarastyratyn qujattyń daiyn ekenin jáne onyń kez-kelgen ýaqytta kúshine enýi múmkin ekenin aitty. Ministr terroristik uiymdar beibit protseske qatystyrylmaitynyn aitady.
Buǵan deiin Anadolu agenttigi Siriiadaǵy qaqtyǵysty toqtatý týraly kelisim jergilikti ýaqyt boiynsha 29 jeltoqsanǵa qaraǵan túni kúshine enýi tiis ekenin habarlaǵan. Agenttiktiń málmetinshe, kelisim jobasynda Resei men Túrkiianyń osy aida Aleppoda ornatqan bitimin Siriianyń barlyq territoriiasynda ornatý jospary bar.
Kremldiń baspasóz hatshysy agenttiktiń aqparatyna qatysty kommentarii bere almaitynyn málimdedi. Ol buǵan qatysty aqparaty jetkiliksiz ekenin, Resei biligi Siriia boiynsha beibit kelissózdi Astanada ótkizý úshin Túrkiia tarapymen únemi bailanysta ekenin aitty. Siriia úkimeti ázirge kelisim týraly aqparatqa kommentarii bermedi.
