تٷركييا, رەسەي جەنە يران سىرتقى ٸستەر مينيسترلەرٸ (سولدان وڭعا قاراي) مەۆليۋت چاۆۋشوگلۋ, سەرگەي لاۆروۆ جەنە موحامماد جاۆاد زاريف. مەسكەۋ, جەلتوقسان 2016 جىل.
تٷركييا سىرتقى ٸستەر مينيسترٸ مەۆليۋت چاۆۋشوگلۋدىڭ مەلٸمدەۋٸنشە, انكارا مەن مەسكەۋ سيريياداعى قاقتىعىستى توقتاتۋ تۋرالى كەلٸسٸم جوباسىن دايىندادى. چاۆۋشوگلۋ قاقتىعىستى ساياسي جولمەن شەشۋدٸ قاراستىراتىن قۇجاتتىڭ دايىن ەكەنٸن جەنە ونىڭ كەز-كەلگەن ۋاقىتتا كٷشٸنە ەنۋٸ مٷمكٸن ەكەنٸن ايتتى. مينيستر تەرروريستٸك ۇيىمدار بەيبٸت پروتسەسكە قاتىستىرىلمايتىنىن ايتادى.
بۇعان دەيٸن Anadolu اگەنتتٸگٸ سيريياداعى قاقتىعىستى توقتاتۋ تۋرالى كەلٸسٸم جەرگٸلٸكتٸ ۋاقىت بويىنشا 29 جەلتوقسانعا قاراعان تٷنٸ كٷشٸنە ەنۋٸ تيٸس ەكەنٸن حابارلاعان. اگەنتتٸكتٸڭ مەلمەتٸنشە, كەلٸسٸم جوباسىندا رەسەي مەن تٷركييانىڭ وسى ايدا الەپپودا ورناتقان بٸتٸمٸن سيرييانىڭ بارلىق تەرريتوريياسىندا ورناتۋ جوسپارى بار.
كرەملدٸڭ باسپاسٶز حاتشىسى اگەنتتٸكتٸڭ اقپاراتىنا قاتىستى كوممەنتاريي بەرە المايتىنىن مەلٸمدەدٸ. ول بۇعان قاتىستى اقپاراتى جەتكٸلٸكسٸز ەكەنٸن, رەسەي بيلٸگٸ سيرييا بويىنشا بەيبٸت كەلٸسسٶزدٸ استانادا ٶتكٸزۋ ٷشٸن تٷركييا تاراپىمەن ٷنەمٸ بايلانىستا ەكەنٸن ايتتى. سيرييا ٷكٸمەتٸ ەزٸرگە كەلٸسٸم تۋرالى اقپاراتقا كوممەنتاريي بەرمەدٸ.
