QR Aýyl sharýashylyǵy ministrliginiń Veterinarlyq baqylaý jáne qadaǵalaý komiteti men «Rosselhoznadzor» mal sharýashylyǵy ónimderin ózara jetkizýge bailanysty buryn engizilgen ýaqytsha shekteýlerdi alyp tastaý boiynsha jumys júrgizdi, dep habarlaidy "Ult aqparat" AShM baspasóz qyzmetine silteme jasap.
Baspasóz qyzmetiniń málimetinshe, Veterinarlyq baqylaý jáne qadaǵalaý komiteti men «Rosselhoznadzordyń» kelissózderi nátijesinde mal men mal sharýashylyǵy ónimderin jetkizýge buryn engizilgen ózara shekteýlerdi alyp tastaý boiynsha birqatar másele sheshilgen.
«Qazaqstandyq kásipkerler men veterinarlyq qyzmetterdiń nazaryna joǵary patogendi qus tumaýy boiynsha jaǵdaidyń turaqtanýyna bailanysty elimizdiń Soltústik Qazaqstan, Aqmola, Pavlodar jáne Qostanai oblystarynan Resei Federatsiiasyna myna ónimderdi jetkizýge ruqsat etilgenin habarlaimyz. Tiri qusty; inkýbatsiialyq jumyrtqany; qus etin; Halyqaralyq epizotiialyq biýronyń Jer ústi janýarlarynyń densaýlyǵy kodeksiniń erejelerine sáikes, qus tumaýy virýsyna qarsy óńdelgen taýarlardan bólek, qustan jasalǵan daiyn et ónimderin jáne quramynda qustyń qaita óńdelgen ónimderi bar Qus sharýashylyǵy ónimderiniń barlyq túrlerin; qustardyń azyǵy jáne onyń qospalaryna; qustardy kútip-baǵýǵa, soiýǵa jáne músheleýge arnalǵan buryn paidalanylǵan jabdyqtardy jetkizýge ruqsat berildi», delingen habarlamada.
Sonymen qatar, Soltústik Qazaqstan, Aqmola, Pavlodar jáne Qostanai oblystarynan jóneltilgen tiri qusty Resei Federatsiiasynyń aýmaǵy arqyly tasymaldaýǵa da ruqsat etildi.
«Niýkasl aýrýy boiynsha Qaraǵandy oblysynan Resei Federatsiiasyna tiri qus jáne inkýbatsiialyq jumyrtqa, qus eti jáne termiialyq óńdeýden ótpegen, qustarǵa arnalǵan azyq pen onyń qospalaryn, buryn qustardy kútip-baǵýǵa paidalanylǵan, soiýǵa jáne músheleýge arnalǵan jabdyqtardy, qus ónimderiniń barlyq túrlerin jetkizýge qatysty buryn engizilgen shekteýler joiyldy», delingen habarlamada.
Bul aimaqtan da Resei Federatsiiasynyń aýmaǵy arqyly tiri qus tasymaldaýǵa ruqsat etildi.
«Pasterellez boiynsha jaǵdaidyń turaqtanýyna bailanysty Resei Federatsiiasyna Qaraǵandy oblysynan kúiis qaiyratyn janýarlardyń barlyq túrlerin, shoshqany, sondai-aq 72°S temperatýrada 30 jáne odan da kóp minýt ishinde termiialyq óńdeýden ótpegen janýarlardyń kórsetilgen túrlerinen alynǵan olardyń genetikalyq materialdary men mal sharýashylyǵy ónimderin jetkizýge qoiylǵan shekteýler alynyp tastaldy», delingen habarlamada.
Atyraý men Mańǵystaý oblystarynan Resei Federatsiiasynyń aýmaǵyna jetkizýge ruqsat etilgen ónimder: tiri qoi men eshki; qoi men eshkiniń etinen daiyndalǵan ónim, sút jáne sút ónimderi; mal azyǵy; soiylǵan qoi men eshkiden alynǵan basqa da shikizattar men buiymdar; usaq maldy ustaýǵa, soiýǵa jáne óńdeýge arnalǵan qoldanystaǵy jabdyqtar.
Sonymen qatar, Atyraý jáne Mańǵystaý oblystarynan jóneltilgen tiri qoi men eshkini Resei Federatsiiasynyń aýmaǵy arqyly tasymaldaýǵa ruqsat etildi.
Nodýliarlyq dermatit boiynsha jaǵdaidyń turaqtanýyna bailanysty Atyraý oblysynan Resei Federatsiiasyna jetkizýge ruqsat etilgen ónimder: janýarlardyń nodýliarlyq dermatitine beiim iri qara mal; nodýliarlyq dermatit virýsynyń buzylýyn qamtamasyz etetin tiisti óńdeýsiz IQM-dan, sondai-aq janýarlardyń sezimtal túrlerinen alynǵan ónim; iri qara maldyń óńdelmegen terisi; IQM-dyń genetikalyq materialy; IQM ustaýǵa jáne tasymaldaýǵa arnalǵan qoldanystaǵy jabdyq.
Shoshqanyń afrikalyq obasy boiynsha epizootiialyq jaǵdaidyń turaqtanýyna bailanysty Qazaqstan Respýblikasyna tiri shoshqalardy Altai Respýblikasynan, Altai jáne Krasnoiarsk aimaqtarynan, Novosibirsk, Qorǵan, Cheliabi jáne Túmen oblystarynan jetkizýge jáne Qazaqstan aýmaǵy arqyly tasymaldaýǵa ruqsat etiledi.
Buǵan deiin qus tumaýy boiynsha kúrdeli jaǵdaiǵa bailanysty Qazaqstanǵa Kýrsk, Orlov, Voronej, Cheliabi, Omby, Túmen, Qorǵan jáne Tomsk oblystarynan, sondai-aq Tatarstan Respýblikasynan tiri qus pen qus sharýashylyǵy ónimderin ákelýge engizilgen shekteý sharalary alynyp tastaldy.
Budan bólek, tiri qusty, inkýbatsiialyq jumyrtqany, mamyq pen qaýyrsyndy, qus etin jáne qus sharýashylyǵy óniminiń barlyq túrin, qustarǵa arnalǵan azyq pen onyń qospalaryn, sondai-aq Saratov oblysynan qustardy kútip-baǵýǵa, soiýǵa jáne músheleýge arnalǵan qoldanystaǵy jabdyqtardy Qazaqstanǵa eksporttaýǵa ruqsat etildi.
Aita keteiik, buryn aimaqtaǵy Niýkasl aýrýynyń epizootiialyq jaǵdaiyna bailanysty shekteý sharalary engizilgen bolatyn.
