Halyqaralyq paralimpiada komiteti sheshimin ózgertip, reseilik jáne belarýs sportshylaryna Beijińdegi Paralimpiada oiyndaryna qatysýǵa tyiym saldy. Bul týraly HPK baspasóz qyzmeti málimdedi, dep habarlaidy QazAqparat TASS aqparat agenttigine silteme jasap.
Sársenbi kúni HPK Resei men Belarýs sportshylaryna oiynǵa beitarap mártebede qatysýǵa ruqsat bergen edi.
Sheshim HPK alqasynyń arnaiy shaqyrylǵan otyrysynan keiin ózgertildi.
«Sońǵy 12 saǵat ishinde bizge kóptegen qatysýshylar habarlasyp, oiyn ashyq aitty. Men buǵan rizamyn. Olar bizge sheshimimizdi qaita qarastyrmasaq, onyń Beijińdegi Paralimpiada oiyndaryna keri áseri tiiýi múmkin ekenin aitty. Birneshe ulttyq paralimpiada komiteti ol jaǵdaida jarysqa qatyspaitynyn aityp narazylyq bildirdi», - dedi HPK prezidenti Endriý Parsons.
28 aqpanda Halyqaralyq Olimpiada komiteti halyqaralyq sport federatsiialaryna Resei men Ýkraina arasyndaǵy jaǵdaiǵa bailanysty Resei jáne Belarýs sportshylarynyń halyqaralyq jarystarǵa qatysýyna jol bermeýdi usyndy.
Resei Paralimpiada komiteti oiynshylaryn jarystan shettetý sheshimin negizsiz dep sanaidy.
Beijińdegi Paralimpiada oiyndary 4-13 naýryz aralyǵynda ótedi.
