Maimyl sheshegi indetiniń yqtimal jaǵdailaryn anyqtaýǵa arnalǵan test indettiń taralý qaýpi tóngen jaǵdaida qoldanylýy múmkin, dep habarlaidy QazAqparat reseilik TASS agenttigine silteme jasap.
Júieni Reseidiń «Rospotrebnadzor» mekemesiniń «Vektor» virýsologiia jáne biotehnologiia memlekettik ǵylymi ortalyǵy qurdy.
«Ol juqtyrǵan janýarlardan alynǵan klinikalyq materialdaǵy virýstardy sátti anyqtaýǵa, sondai-aq patsientterdegi vaktsinatsiia alańyndaǵy pýstýliarly qyrtystardaǵy vaktsina virýsyn tabýǵa múmkindik beredi», - dedi Rospotrebnadzor.
19 mamyrda Reseide maimyl shesheginiń yqtimal jaǵdailaryn tez anyqtaý úshin avtonomdy test júiesin qurylatyny týraly belgili boldy. Rospotrebnadzordyń «Vektor» ortalyǵy onyń zerthanalyq synaqtaryn sátti ótkizgeni týraly habarlandy.
Maimyl sheshegi virýsy Batys Eýropanyń birqatar elderinde sáýir - mamyr ailarynda tardy, qazirgi ýaqytta ol basqa kontinentterde de anyqtaldy.
Dúniejúzilik densaýlyq saqtaý uiymy jaqynda indetti talqylaý úshin jetekshi sarapshylardyń qatysýymen jedel jinalys ótkizedi. Buǵan deiin ótken aptada DDU Eýropalyq aimaǵynyń birneshe elinde maimyl sheshegi indeti tirkelgeni týraly habarlanǵan bolatyn.
