Resei Máskeý turǵyndaryna Ýkrainadaǵy soǵysqa qatysýy úshin rekordty somma usyndy

FOTO: GENNADII ChERKASOV

Máskeý biligi Ýkrainadaǵy soǵysqa shaqyrylǵandarǵa rekordtyq syiaqy usyndy, -dep habarlaidy "Ult Aqparat".

Máskeýde kelisimshart jasaýshyǵa tólenetin tólemderdiń jalpy somasy qyzmettiń birinshi jylynda 5,2 million rýblden asady, dep habarlady Máskeý meri men Resei Úkimettiń saity.

"Tólemderdiń jalpy somasy,<...> ai saiynǵy aqshalai úlesti, Máskeý men federaldy qoldaý sharalaryn eskere otyryp, qyzmettiń birinshi jylynda 5,2 million rýblden asady", — delingen habarlamada.

Jarlyqqa Máskeý meri Sergei Sobianin qol qoidy. Oǵan sáikes 23 shildeden bastap bir jyl merzimge kelisimshart jasasqan áskeri qyzmetshiler 1,9 million rýbl mólsherinde qosymsha birjolǵy tólem alady. Sonymen qatar bilik soǵysqa barǵan áskerige buǵan deiingi qoldaý qarajattaryn qaltyrmaq.

Búgingi valiýta baǵamy: 1 rýbl - 5,47 teńgege sáikes.

Aita keteiik, Resei men Ýkraina arasynda soǵys júrip jatqanyna biyl úshinshi jyl. BAQ ókilderi Resei soǵysta kóp áskerin joǵaltqanyn aitady. 

Eske salsaq, Reseide ishinara mobilizatsiiany alǵash 2022 jyly qyrkúiekte jariialanǵan. Mobilizatsiiadan qashqandardyń kóbi Qazaqstanǵa bas saýǵalaǵan bolatyn. Olardyń keibireýi osynda turaqtap qaldy.