فوتو: گەنناديي چەركاسوۆ
مەسكەۋ بيلٸگٸ ۋكرايناداعى سوعىسقا شاقىرىلعاندارعا رەكوردتىق سىياقى ۇسىندى, -دەپ حابارلايدى "ۇلت اقپارات".
مەسكەۋدە كەلٸسٸمشارت جاساۋشىعا تٶلەنەتٸن تٶلەمدەردٸڭ جالپى سوماسى قىزمەتتٸڭ بٸرٸنشٸ جىلىندا 5,2 ميلليون رۋبلدەن اسادى, دەپ حابارلادى مەسكەۋ مەرٸ مەن رەسەي ٷكٸمەتتٸڭ سايتى.
"تٶلەمدەردٸڭ جالپى سوماسى,<...> اي سايىنعى اقشالاي ٷلەستٸ, مەسكەۋ مەن فەدەرالدى قولداۋ شارالارىن ەسكەرە وتىرىپ, قىزمەتتٸڭ بٸرٸنشٸ جىلىندا 5,2 ميلليون رۋبلدەن اسادى", — دەلٸنگەن حابارلامادا.
جارلىققا مەسكەۋ مەرٸ سەرگەي سوبيانين قول قويدى. وعان سەيكەس 23 شٸلدەدەن باستاپ بٸر جىل مەرزٸمگە كەلٸسٸمشارت جاساسقان ەسكەري قىزمەتشٸلەر 1,9 ميلليون رۋبل مٶلشەرٸندە قوسىمشا بٸرجولعى تٶلەم الادى. سونىمەن قاتار بيلٸك سوعىسقا بارعان ەسكەريگە بۇعان دەيٸنگٸ قولداۋ قاراجاتتارىن قالتىرماق.
بٷگٸنگٸ ۆاليۋتا باعامى: 1 رۋبل - 5,47 تەڭگەگە سەيكەس.
ايتا كەتەيٸك, رەسەي مەن ۋكراينا اراسىندا سوعىس جٷرٸپ جاتقانىنا بيىل ٷشٸنشٸ جىل. باق ٶكٸلدەرٸ رەسەي سوعىستا كٶپ ەسكەرٸن جوعالتقانىن ايتادى.
ەسكە سالساق, رەسەيدە ٸشٸنارا موبيليزاتسييانى العاش 2022 جىلى قىركٷيەكتە جارييالانعان. موبيليزاتسييادان قاشقانداردىڭ كٶبٸ قازاقستانعا باس ساۋعالاعان بولاتىن. ولاردىڭ كەيبٸرەۋٸ وسىندا تۇراقتاپ قالدى.
.jpg)