Foto: freepik
Reseilik sapany baqylaý uiymy qazaqstandyq balmuzdaq brendiniń ónimderinde ishek taiaqshalary baryn anyqtady, dep habarlaidy «Ult aqparat» inbusiness.kz-ke silteme jasap.
Sarapshylar 38 óndirýshiniń táttilerin zerttegen, olardyń ishinde 37 reseilik brendtiń jáne bir qazaqstandyq – “Shin Lain” brendinen "Mishka na poliýse" balmuzdaǵy bar. Zertteý nátijesi boiynsha, 29 óndirýshiniń ónimderinen ártúrli ziiandy qospalar anyqtaldy.
Sapany baqylaý uiymy qazaqstandyq "Shin Lain" kompaniiasynyń "Mishka na poliýse" balmuzdaǵynan jáne "Ermolina" balmuzdaǵynan ishek taiaqshalaryn tapqan. Sarapshylar mundai bakteriialar termiialyq óńdeýden ótpegen ónimderde bolýy múmkin ekenin atap ótti. Ishek taiaqshasy balmuzdaqqa ónimdi óndirý tehnologiiasy buzylǵanda nemeses jetkizý jáne saqtaý kezeńinde qaptamanyń bútindigi buzylsa túsýi múmkin.
Alaida "Shin Lain" kompaniiasy QR Densaýlyq saqtaý ministrliginiń "Sanitarlyq-epidemiologiialyq saraptama jáne monitoring ǵylymi-praktikalyq ortalyǵy" táýelsiz zerthanasynyń qorytyndysy boiynsha "Mishka na poliýse" balmuzdaǵynan ishek taiaqshasy tabylmaǵanyn habarlady.
"Shin-Lain kompaniiasynyń sarapshylary jazda mikrobiologiiaǵa qatysty shaǵymdardyń sebebi kóterme jáne bólshek saýda núktelerindegi júkterdi tasymaldaý jáne saqtaý talaptarynyń buzylýynan bolýy múmkin dep sanaidy", – delingen kompaniianyń habarlamasynda.
