Reseide koronavirýs infektsiiasyn juqtyrǵandar sany 232 243-ke jetti, dep habarlady seisenbi kúni indetpen kúres federaldy jedel shtaby. Resmi rastalǵan jaǵdailar sany boiynsha Ispaniiadan ozyp, álem boiynsha ekinshi orynǵa shyqty, dep jazady TASS.
Onyń ústine koroldik sáýirdiń sońynan bastap resmi statistikaǵa tek PTR-test nátijelerin engizedi, biraq buǵan deiin antidenege tapsyrǵan test nátijeleri de esepteletin. Sol sebepti, indetke shaldyqqandardyń resmi sany azaidy: eger 25 sáýirde 223,7 myń jaǵdai týraly habarlansa, 26 kúni tek 207,6 myń adam týraly aityldy. Ispaniia densaýlyq saqtaý ministrliginiń habarlamalarynda antidene testi týraly aqparat bolmaǵanymen, keibir BAQ bul kórsetkishterdi de qatar berip júr.
Sońǵy táýlikte Reseide infektsiia juqtyrǵan taǵy 10 899 adam anyqtaldy, dúisenbi kúni 11 656 jaǵdai týraly habarlanǵan bolatyn. Indet tarai bastaǵan ýaqyttan beri táýliktik ósý qarqyny eń tómengi deńgeige - 4,92%-ge jetti (bir kún buryn 5,56% boldy).
Qazir reseilik 100 myń azamatqa 158 juqtyrý oqiǵasy sáikes keledi. Ispaniiada bul kórsetkish joǵary – 487-ge jetedi.
Máskeýde infektsiia juqtyrǵandar sany 4,65%-ǵa artty. Eń tómengi kórsetkish 21 naýryz kúni tirkeldi. Sol kúni Reseide shamamen 300 juqtyrý oqiǵasy ǵana anyqtaldy. Sol kezde kórsetkish 4,58% bolǵan.
Oǵan qosa elde koronavirýsqa test tapsyrǵan adam sany artyp jatyr. Bir táýlikte 168 myń taldaý jasalsa, testten ótken adamdardyń jalpy sany 5,8 mln.
Reseide koronavirýstan jazylyp shyqqandar sany 18%-dan 18,7%-ǵa artty, táýlik ishinde 3 711 naýqas aýrýhanadan shyǵaryldy. Jalpy elde 43 512 adam dertti jeńip shyqty.
Ókinishke qarai, jańa virýstan 2 116 adam qaitys boldy, onyń 107-i ótken táýlikte tirkelgen.
