Himiialyq qarý bólshegi. Videodan skrinshot (Kórneki sýret).
Resei qorǵanys ministrligi Siriiada qarýly toptar himiialyq qarý óndirýdi qolǵa alǵan dep málimdedi. Senbi kúni reseilik áskeriler quramynan iprit (tyiym salynǵan ýly gaz) tabylǵan qarý bólshegin himiialyq qarýǵa tyiym salý uiymy konventsiiasyn júzege asyrý jónindegi Siriia ulttyq organy ókilderine tapsyrǵany habarlandy.
Resei ministrliginiń aqparatynda qarabaiyr ádispen jasalǵan álgi minany reseilik áskeri sarapshylar qarashanyń 16-sy kúni Alepponyń soltústik-batys jaǵynda ornalasqan Marret-Ýmm-Haýsh eldi mekeninen taýyp alǵany aitylǵan. Qalanyń jekelegen aýdandaryn siriialyq jáne kúrd oppozitsiialyq qarýly toptary, sonymen qatar «Islam memleketi» ekstremistik tobynyń sodyrlary baqylaýynda ustap otyr. Tyiym salynǵan himiialyq qarýǵa naqty kim kúdikti sanalatyny týraly Resei qorǵanys ministrligi ashyp aitpaǵan.
Siriiada azamattyq soǵys bastalǵaly beri janjalǵa qatysýshy taraptar himiialyq qarý qoldandy dep buǵan deiin birneshe ret bir-birin aiyptaǵan. Siriiadaǵy himiialyq shabýyldarǵa zertteý júrgizgen BUU qaýipsizdik keńesi janyndaǵy komissiia 2016 jyly kúzde prezident Bashar Asad kúshteri úsh ret jáne «Islam memleketi» tobynyń bir ret himiialyq qarý qoldanǵany anyqtalǵany týraly málimdegen.
