حيمييالىق قارۋ بٶلشەگٸ. ۆيدەودان سكرينشوت (كٶرنەكٸ سۋرەت).
رەسەي قورعانىس مينيسترلٸگٸ سيرييادا قارۋلى توپتار حيمييالىق قارۋ ٶندٸرۋدٸ قولعا العان دەپ مەلٸمدەدٸ. سەنبٸ كٷنٸ رەسەيلٸك ەسكەريلەر قۇرامىنان يپريت (تىيىم سالىنعان ۋلى گاز) تابىلعان قارۋ بٶلشەگٸن حيمييالىق قارۋعا تىيىم سالۋ ۇيىمى كونۆەنتسيياسىن جٷزەگە اسىرۋ جٶنٸندەگٸ سيرييا ۇلتتىق ورگانى ٶكٸلدەرٸنە تاپسىرعانى حابارلاندى.
رەسەي مينيسترلٸگٸنٸڭ اقپاراتىندا قارابايىر ەدٸسپەن جاسالعان ەلگٸ مينانى رەسەيلٸك ەسكەري ساراپشىلار قاراشانىڭ 16-سى كٷنٸ الەپپونىڭ سولتٷستٸك-باتىس جاعىندا ورنالاسقان ماررەت-ۋمم-حاۋش ەلدٸ مەكەنٸنەن تاۋىپ العانى ايتىلعان. قالانىڭ جەكەلەگەن اۋداندارىن سيرييالىق جەنە كٷرد وپپوزيتسييالىق قارۋلى توپتارى, سونىمەن قاتار «يسلام مەملەكەتٸ» ەكسترەميستٸك توبىنىڭ سودىرلارى باقىلاۋىندا ۇستاپ وتىر. تىيىم سالىنعان حيمييالىق قارۋعا ناقتى كٸم كٷدٸكتٸ سانالاتىنى تۋرالى رەسەي قورعانىس مينيسترلٸگٸ اشىپ ايتپاعان.
سيرييادا ازاماتتىق سوعىس باستالعالى بەرٸ جانجالعا قاتىسۋشى تاراپتار حيمييالىق قارۋ قولداندى دەپ بۇعان دەيٸن بٸرنەشە رەت بٸر-بٸرٸن ايىپتاعان. سيريياداعى حيمييالىق شابۋىلدارعا زەرتتەۋ جٷرگٸزگەن بۇۇ قاۋٸپسٸزدٸك كەڭەسٸ جانىنداعى كوميسسييا 2016 جىلى كٷزدە پرەزيدەنت باشار اساد كٷشتەرٸ ٷش رەت جەنە «يسلام مەملەكەتٸ» توبىنىڭ بٸر رەت حيمييالىق قارۋ قولدانعانى انىقتالعانى تۋرالى مەلٸمدەگەن.
