Donetsk oblysynda soǵysyp júrgen sarbaz. 28 sáýir 2021 jyl.
Keiingi eki kúnde Ýkrainanyń shyǵysyndaǵy Resei qoldaýyna ie jikshil aimaqta 527 myń adamǵa Resei azamattyǵy berildi. Bul týraly 2 mamyr kúni Resei ishki ister ministrliginiń baspasóz qyzmeti TASS agenttigine málimdedi, dep jazady Azattyq.
Munyń aldynda Máskeý osy aimaqtyń 650 myń adamyna tólqujat bergen. Ýkrainanyń jikshil oblystary Donetsk pen Lýganskide turatyndarǵa Resei azamattyǵyn jappai tabystaý Resei prezidenti Vladimir Pýtinniń buiryǵynan keiin kúsheigen. 2019 jyly ol daýly aimaq turǵyndary úshin azamattyq berýdi jeńildetýdi jáne údetýdi buiyrǵan.
Halyqaralyq qaýymdastyq Máskeýdiń bul qadamyn synap, aimaqtaǵy ahýaldy odan ári ýshyqtyrý áreketi dep baǵalady. Qaqtyǵys bastalǵan 2014 jyldan beri bul aimaqta 13 myńnan astam adam qaza tapqan.
Kiev Reseidiń ýkrainalyqtarǵa azamattyq berýin Ýkrainanyń emegendigine qol suǵý dep aiyptaidy.
Ýkrainanyń jikshil oblystarynda gibridtik soǵys júrgizip otyrǵan Resei aimaqtaǵy separatisterge ekonomikalyq jáne saiasi qoldaý bildirip keledi. Máskeý aiqyn dálelderdiń baryna qaramastan, Ýkrainanyń ishki isine aralasqanyn moiyndamaidy.
Jappai tólqujat berý Resei men Ýkraina arasyndaǵy ahýal ýshyqqa tusta bolyp otyr. Ótken aptalarda Resei Ýkraina shekarasynyń túbinde jáne Ýkrainanyń 2014 jyly Máskeý anneksiialanǵan Qyrym túbeginde aýqymdy áskeri jattyǵý ótkizip, eki el arasyndaǵy shielenis kúrt kúsheigen.
