دونەتسك وبلىسىندا سوعىسىپ جٷرگەن سارباز. 28 سەۋٸر 2021 جىل.
كەيٸنگٸ ەكٸ كٷندە ۋكراينانىڭ شىعىسىنداعى رەسەي قولداۋىنا يە جٸكشٸل ايماقتا 527 مىڭ ادامعا رەسەي ازاماتتىعى بەرٸلدٸ. بۇل تۋرالى 2 مامىر كٷنٸ رەسەي ٸشكٸ ٸستەر مينيسترلٸگٸنٸڭ باسپاسٶز قىزمەتٸ تاسس اگەنتتٸگٸنە مەلٸمدەدٸ, دەپ جازادى ازاتتىق.
مۇنىڭ الدىندا مەسكەۋ وسى ايماقتىڭ 650 مىڭ ادامىنا تٶلقۇجات بەرگەن. ۋكراينانىڭ جٸكشٸل وبلىستارى دونەتسك پەن لۋگانسكٸدە تۇراتىندارعا رەسەي ازاماتتىعىن جاپپاي تابىستاۋ رەسەي پرەزيدەنتٸ ۆلاديمير پۋتيننٸڭ بۇيرىعىنان كەيٸن كٷشەيگەن. 2019 جىلى ول داۋلى ايماق تۇرعىندارى ٷشٸن ازاماتتىق بەرۋدٸ جەڭٸلدەتۋدٸ جەنە ٷدەتۋدٸ بۇيىرعان.
حالىقارالىق قاۋىمداستىق مەسكەۋدٸڭ بۇل قادامىن سىناپ, ايماقتاعى احۋالدى ودان ەرٸ ۋشىقتىرۋ ەرەكەتٸ دەپ باعالادى. قاقتىعىس باستالعان 2014 جىلدان بەرٸ بۇل ايماقتا 13 مىڭنان استام ادام قازا تاپقان.
كيەۆ رەسەيدٸڭ ۋكراينالىقتارعا ازاماتتىق بەرۋٸن ۋكراينانىڭ ەمەگەندٸگٸنە قول سۇعۋ دەپ ايىپتايدى.
ۋكراينانىڭ جٸكشٸل وبلىستارىندا گيبريدتٸك سوعىس جٷرگٸزٸپ وتىرعان رەسەي ايماقتاعى سەپاراتيستەرگە ەكونوميكالىق جەنە ساياسي قولداۋ بٸلدٸرٸپ كەلەدٸ. مەسكەۋ ايقىن دەلەلدەردٸڭ بارىنا قاراماستان, ۋكراينانىڭ ٸشكٸ ٸسٸنە ارالاسقانىن مويىندامايدى.
جاپپاي تٶلقۇجات بەرۋ رەسەي مەن ۋكراينا اراسىنداعى احۋال ۋشىققا تۇستا بولىپ وتىر. ٶتكەن اپتالاردا رەسەي ۋكراينا شەكاراسىنىڭ تٷبٸندە جەنە ۋكراينانىڭ 2014 جىلى مەسكەۋ اننەكسييالانعان قىرىم تٷبەگٸندە اۋقىمدى ەسكەري جاتتىعۋ ٶتكٸزٸپ, ەكٸ ەل اراسىنداعى شيەلەنٸس كٷرت كٷشەيگەن.
