«Otandastar qory» Reseidiń Qazan qalasyndaǵy Bas konsýldyǵymen birge Naýryz merekesine orai dýman uiymdastyrdy, dep habarlaidy "Ult aqparat".
Reseide Qazan, Ekaterinbýrg, Ýfa qalalarynda qazaqtardyń qoǵamdyq birlestikteri jumys isteidi. «Otandastar qorynyń» habarlaýynsha, Naýryzǵa arnalǵan is-sharaǵa osy 3 óńirdiń ókilderi qatysty.
«Bul is-shara qazaq tilin damytý, mádeni murany nasihattaý, Reseidegi qazaq diasporasymen mádeni-gýmanitarlyq bailanystardy nyǵaitý, damytý jáne keńeitý máselelerin talqylaýǵa jaqsy sebep boldy. Sharanyń kórkin jergilikti shyǵarmashylyq ujymdar usynǵan qoiylymdar kirgizdi», - delingen «Otandastar» qorynyń málimetinde.
Dýman barysynda qazaqtyń uly aqyny, aǵartýshy Abaidyń 175 jyldyq mereitoiyn merekeleýge belsene qatysqan jáne eki el arasyndaǵy mádeni yntymaqtastyqty nyǵaitýǵa úles qosqan azamattarǵa Qazaqstanyń Mádeniet jáne sport ministriniń Qurmet gramotalary tabystalǵan.
