Reseilik saiasattanýshy Arkadii Dýbnov Máskeýde ótken dóńgelek ústelde Qazaqstan turaqty túrde bolashaqqa jospar jasap, ony júzege asyra alatyn TMD-daǵy jalǵyz el ekenin atap ótti, dep jazady sputniknews.kz agenttigi.
"Prezidentti tańdaýda Qazaqstannyń joly boldy. Shirek ǵasyr tájiribesi muny dáleldep otyr: Nazarbaev Qazaqstannyń qandai el ekenin jáne onda ne isteý kerek ekenin túsindi", — dedi saiasi sholýshy Arkadii Dýbnov.
Ol Qazaqstan turaqty túrde bolashaqqa jospar jasap, ony júzege asyra alatyn TMD-daǵy jalǵyz el ekenin atap ótti. Nátijesinde memleket turaqtylyqqa qol jetkizip, kóptegen jyl boiy ony saqtap keledi.
Qazaqstannyń pozitsiiasy árqashan baiypty qabyldana bermeidi, dep esepteidi saiasattanýshy.
"Reseide Qazaqstandy áli kúnge deiin egemendi, táýelsiz el retinde moiyndaǵysy kelmeidi. Áli kúnge biz aǵanyń rólin atqarýǵa tyrysamyz. Bul - jalǵan sezim. Qazaqstan keńestik kezeńniń "tar dambalynan" áldeqashan shyǵyp ketip, óz jolymen damyp jatyr ", — dep túiindedi Dýbnov.
