Resei Federatsiiasy Qazaqstanǵa gýmanitarlyq júk jiberdi, – dep habarlaidy QR Syrtqy ister ministrligi.
«QR Premer-Ministri Asqar Maminniń RF Úkimetiniń tóraǵasy Mihail Mishýstinmen COVID-19-ǵa qarsy is-qimyl boiynsha birlesken ýaǵdalastyqtarynyń jalǵasy retinde 8 shilde kúni Nur-Sultan qalasyna Resei Federatsiiasynyń Tótenshe jaǵdailar ministrliginiń arnaiy bortymen gýmanitarlyq júk jetkizildi. RF gýmanitarlyq júginde meditsinalyq maskalar, qorǵanys kiimderiniń jiyntyqtary men meditsinalyq preparattar bar. Qazaqstandaǵy gýmanitarlyq kómektiń biryńǵai operatory «SQ-Farmatsiia» JShS bolyp tabylady», - dedi ministrlikten.
Sondai-aq aldaǵy jaqyn ýaqytta Reseiden taǵy birneshe reis gýmanitarlyq júk jetkiziletini atap ótildi.
«Qazaqstan Syrtqy ister ministrligi koronavirýs pandemiiasymen kúreste kórsetken qoldaýy úshin Resei Úkimeti men baýyrlas halqyna alǵysyn bildiredi», - dedi vedomstvodan.
Eske salaiyq, Asqar Mamin men Mihail Mishýstin COVID-19-ben kúrestegi birlesken sharalardy telefon arqyly talqylaǵan bolatyn. Resei tarapy Qazaqstanǵa dári-dármek jáne shyǵys materialdarymen birge test júieleri túrinde gýmanitarlyq kómek kórsetýge, sonymen qatar juqpaly aýrýlar gospitaldary men virýsologiialyq zerthanalardy ashý boiynsha mamandardy QR-ǵa jiberýge daiyn ekenin bildirgen edi.
Memleket basshysy Qasym-Jomart Toqaev RF Prezidenti Vladimir Pýtinmen telefon arqyly áńgimesinde koronavirýspen kúreste elimizge gýmanitarlyq kómek kórsetý týraly sheshim qabyldaǵany úshin rizashylyq bildirdi.
Al 6 shilde kúni Qazaqstanǵa RF-dan 32 dáriger keldi. Olar qazaqstandyq áriptesterine koronavirýspen kúreste kómek kórsetetin bolady. Mamandardyń bir bóligi Almaty qalasyna jiberildi.
Kúni keshe QR Densaýlyq saqtaý ministri Aleksei Tsoi men RF Densaýlyq saqtaý ministriniń orynbasary Oleg Gridnevtiń onlain kezdesýi ótip, olar klinikalyq hattama, ǵylymi zertteýler ázirleý, vaktsina men onyń klinikalyq synaǵyn qarastyrý, gýmanitarlyq kómek jáne dári-dármek boiynsha birlesken ázirlemelerdi jetkizýdegi yntymaqtastyqty talqylady.
