Reseidiń Federaldyq veterinarlyq jáne fitosanitarlyq qadaǵalaý qyzmeti (Rosselhoznadzor) Orynbor oblystyq basqarmasy 31 tamyz ben 3 qyrkúiek aralyǵynda Resei-Qazaqstan shekarasynyń "Mashtakovo" ótkizý beketinde Resei aýmaǵyna bes ret júz tonna karantin jariialanǵan ónimdi ótkizbek bolǵan árekettiń jolyn kesken. Bul týraly 4 qyrkúiekte Rosselhoznadzordyń resmi saitynda habarlandy.
"Tekserý kezinde Orynbor oblysyna fitosanitarlyq sertifikaty joq 20 tonna asqabaq, fitosanitarlyq qujaty jaramsyz 80 tonna qaýyn men júzim jetkizilgeni anyqtaldy" delingen habarlamada.
Karantinge qatysty zań talaptaryna sai, Qazaqstannan Resei aýmaǵyna karantindik ónimderdi kirgizýge tyiym salynyp, kináliler ákimshilik jaýapqa tartylǵan.
Bilik ókilderiniń qadaǵalaýymen atalǵan kókónister Reseiden Qazaqstanǵa keri qaitarylǵan.
Tamyzdyń basynda Rosselhoznadzor Qazaqstan Reseige karantindegi taýarlardy jetkizýde Eýraziia ekonomikalyq odaǵy (EAEO) men Reseidiń fitosanitarlyq talaptaryn jii buza bastaǵanyn málimdegen.
