«Rossiiskie jeleznye dorogi» AAQ Vladimir oblysynda bolǵan iri jol apatynan zardap shekken Ózbekstan azamattarynyń árbirine 5 myń rýblden ótemaqy tóledi, dep habarlaidy uznews.uz.
«Zardap shekkenderdiń barlyǵyna Resei TJM qajetti meditsinalyq jáne psihologiialyq kómek kórsetti, olardyń árbirine «Rossiiskie jeleznye dorogi» AAQ esebinen 5 myń rýblden ótemaqy tólendi», - delinedi Ózbekstan TJM baspasóz qyzmetiniń habarlamasynda.
Eske sala keteiik, 6 qazan kúni 3 saǵat 30 minýtta Reseidiń Vladimir oblysynda qazaqstandyq UDA668 nómirli jolaýshy avtobýsy baǵdarshamnyń dabylyna toqtamai óte shyǵyp, poiyzben soqtyǵysqan. Avtobýsta Ózbekstannyń 55 azamaty, eki júrgizýshi Qazaqstannyń azamaty bolǵan. Onyń biri qaza tapty, ekinshisi qazir Pokrov qalasyndaǵy ýaqytsha pýnktte.
