Resei Federatsiiasynyń Prezidenti Vladimir Pýtin 2024 jyldyń 2 qyrkúieginde Mońǵoliiaǵa resmi saparmen keldi, dep habarlaidy Mońǵoliianyń MONTsAME aqparat agenttigi.
«Býiant-Ýhaa» halyqaralyq áýejaiynda Resei Federatsiiasynyń Prezidenti men onymen birge kelgen delegatsiiany Mońǵoliia Syrtqy ister ministri Batmýnhiin Battsetseg, Resei Federatsiiasynyń Mońǵoliiadaǵy Tótenshe jáne Ókiletti Elshisi Aleksei Evsikov jáne basqa resmi tulǵalar kútip aldy.
Sapar barysynda prezident Ýhnaagiin Hýrelsýh pen prezident Vladimir Pýtin resmi kelissózder júrgizip, ekijaqty qarym-qatynastar men yntymaqtastyqty odan ári damytý perspektivalary týraly pikir almasady, sondai-aq ekijaqty qujattarǵa qol qoiý rásimine qatysady.
Resmi kelissózderdiń qorytyndysy boiynsha eki memleket basshysy BAQ ókilderi úshin birlesken brifing ótkizedi.
2019 jyly Mońǵoliia men Resei Federatsiiasy «Dostyq qatynastar jáne jan-jaqty strategiialyq áriptestik týraly kelisimshartqa» qol qoidy.
Mońǵoliia men Resei Federatsiiasy 1921 jyly 5 qarashada diplomatiialyq qatynas ornatyp, 1922 jyly Ulanbatyr men Máskeýde Elshilikterin ashty.
.jpg)