Resei Federatsiiasy bólgen kedendik baj boiynsha jospar oryndalmady. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
Onyń aitýynsha, korporativtik tabys salyǵy boiynsha jospardyń artyǵymen oryndalýyna myndai faktorlar áser etti:
- 2021 jylǵy qańtar-aqpan ailarymen salystyrǵanda aǵymdaǵy jyldyń eki aiynda 653 iri salyq tóleýshi boiynsha málimdelgen avanstyq tólemder somasynyń 83,5 paiyzǵa nemese 211 mlrd teńgege ulǵaiýy;
- iri taý-metallýrgiia kompaniialaryna qatysty salyqtyq ákimshilendirý boiynsha júrgizilip jatqan is-sharalar.
«Jalpy alǵanda, jer qoinaýyn paidalanýshylaryn ákimshilendirýden biýdjetke qosymsha 288 mlrd teńge, onyń ishinde tekserý aktileriniń nátijeleri boiynsha óndirip alý esebinen 29 mlrd teńge tústi. Shiki munaiǵa eksporttyq kedendik baj boiynsha jospardyń asyra oryndalýy negizinen osy jyldyń 1 toqsanynda shiki munaiǵa mólsherlemeniń 33 paiyzǵa ulǵaiýyna, sondai-aq AQSh dollaryna shaqqanda teńge baǵamynyń tómendeýine bailanysty boldy», - dedi ol.
Ministrdiń aitýynsha, oiyn biznesine salynatyn salyq boiynsha jospar salyqtyq tekserý aktileri boiynsha bereshekti óteý esebinen asyra oryndaldy.
Paidaly qazbalardy óndirý salyǵy boiynsha jospardyń asyra oryndalýyna ótken jyldyń uqsas kezeńimen salystyrǵanda 2022 jylǵy I toqsanda negizgi eksporttyq pozitsiialarǵa baǵanyń ortasha 20 paiyz ósýi áser etti.
«Sondai-aq, jer qoinaýyn paidalanýshylardy salyqtyq ákimshilendirý nátijeleri boiynsha shamamen 16,5 mlrd teńge tústi. Degenmen, ishki tutyný taýarlaryna salynatyn qosylǵan qun salyǵy jáne Resei Federatsiiasy bólgen kedendik bajdar boiynsha jospar oryndalmaǵan», - dedi Erulan Jamaýbaev.
