Reuters
Resei syrtqy ister ministrliginiń resmi ókili Mariia Zaharova Túrkiia prezidenti Rejep Taiyp Erdoǵannyń Siriianyń soltústiginde jańa áskeri operatsiianyń bastalýy týraly málimdemesine pikir bildirdi, - dep habarlaidy Tengrinews.kz agenttigi.
"Mundai kúshtik operatsiia týraly habarlamalar dabylmen qabyldandy. Siriia Arab Respýblikasynyń zańdy úkimetiniń kelisiminsiz jasalǵan mundai qadam, eldiń egemendigi men aýmaqtyq tutastyǵyn tikelei buzý jáne osy eldegi shielenistiń qosymsha ýshyǵýyna sebep bolady. Ankara Siriiadaǵy jaǵdaidyń ýshyǵýyn boldyrmaidy dep úmittenemiz", - dedi Zaharova. Onyń sózderi Resei Syrtqy ister ministrliginiń saitynda ornalastyrylǵan.
"Túrkiianyń ulttyq qaýipsizdikke tónetin qaýip-qaterge bailanysty alańdaýshylyǵyna túsinistikpen qaraimyz. Osyǵan bailanysty Siriia-Túrkiia shekarasyndaǵy qaýipsizdikti áskeri qyzmetshiler ornalastyrý arqyly qamtamasyz etýge bolady dep oilaimyz. Bul Ankaranyń Siriianyń egemendigi men aýmaqtyq tutastyǵyn qurmetteý týraly birneshe ret resmi aitylǵan málimdemeleriniń praktikalyq kórinisi bolar edi", - delingen RF SIM resmi ókiliniń habarlamasynda.
