Resei Memlekettik Dýmasy sársenbi kúni ótken plenarlyq otyrysta RF qazirgi prezidenti Vladimir Pýtinge memleket basshysy laýazymyna qyzmetine qaita daýysqa túsýine quqyq beretin túzetýlerdi qabyldady. Bul týraly TASS agenttigi habarlady.
RF Konstitýtsiiasynyń jańa erejeleriniń birine sáikes, RF prezidenti qyzmetin atqara alatyn merzim sanynyń shektelýi memlekettiń qazirgi basshysyna qatysty onyń burynǵy prezidenttik merzimi eskerilmei qoldanylady. Osylaisha, bul norma memlekettiń qazirgi basshysyna Resei Federatsiiasy prezidentiniń qyzmetin taǵy eki merzim atqarýǵa múmkindik berip otyr.
Qujatty Gosdýmaǵa depýtattar Pavel Krasheninnikov pen Olga Savastianova, sondai-aq Federatsiia keńesiniń múshesi Andrei Klishas qarasha aiynda usynǵan.
