Resei Federatsiia keńesi "Balqash" torabyn Reseidiń zymyran shabýyly týraly eskertetin júiesine berý týraly Qazaqstanmen aradaǵy 2014 jylǵy kelisimniń kúshin joidy, dep habarlaidy RIA Novosti.
Resei múlki kelisim aiaqtalǵanǵa deiin óz eline jetkiziledi. Kelisimdi kez kelgen tarap joia alady, habarlandyrý onyń kúshi aiaqtalǵanǵa deiin kem degende jarty jyl buryn jiberilýi tiis.
Balqash radiolokatsiialyq stantsiiasyna balama retinde Orsk túbinde "Voronej-M" jańa stantsiiasy paida boldy. Sondai-aq, Reseide jańa stantsiialar Barnaýylda, Omby men Armavirde qurylǵan. Olar zymyrandardy 6 myń shaqyrym qashyqtyqtan baiqai alady, bul "Balqash" RLS-tyń múmkindikterinen eki esege kóp.
"Balqash" radiolokatsiialyq stantsiiasy Qazaqstandaǵy Balqash kóliniń jaǵalaýynda ornalasqan. Ol raketalyq shabýyldardyń aldyn alý jáne ǵarysh jerserikterine monitoring jasaý úshin qoldanyldy.
"Balqash" torabyna reseilik zymyran shabýyly týraly eskertý jáne ǵarysh keńistigin baqylaý júiesiniń quramynda paidalanylatyn "Dnepr" radiolokatsiialyq stansasy kiredi.
Buǵan deiin, 2012 jyly reseilik tarap Ázerbaijannyń Gabala qalasyndaǵy "Darial" RLS-ty paidalanýdy toqtatqan bolatyn.
