Semei qalasynda 17 jyl boiy Qazaqstannan zańsyz zeinetaqy alyp kelgen reseilik anyqtaldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, kóshi-qon qyzmetiniń mamandary qos azamattyǵy bar áieldi Semeide ushaq biletin satyp alǵan kezde anyqtaǵan.
«Belgili bolǵandai, ol Qazaqstan azamaty bola tura 2001 jyly Resei Federatsiiasynyń azamattyǵyn alǵan. Sondai-aq jeke basyn kýálandyratyn qujatty tapsyrmai, zeinet jasyna jetken soń 17 jyl boiy qazaqstandyq zeinetaqyny alyp kelgen», - delingen aqparatta.
Qazirgi ýaqytta 76 jastaǵy áiel adam QR azamattyǵynan aiyrylyp, tiisti qujattar tárkilendi.
Oǵan QR ÁQBtK-niń 496-babyna sáikes 100 AEK kóleminde aiyppul salyndy.
Osy rette, kóshi-qon qyzmeti óńir jurtshylyǵyna basqa eldiń azamattyǵyn alǵan jaǵdaida Qazaqstan Respýblikasy azamattyǵynan shyǵýdy ýaqtyly tirkeý qajet ekendigin eskertedi.
