سەمەي قالاسىندا 17 جىل بويى قازاقستاننان زاڭسىز زەينەتاقى الىپ كەلگەن رەسەيلٸك انىقتالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, كٶشٸ-قون قىزمەتٸنٸڭ ماماندارى قوس ازاماتتىعى بار ەيەلدٸ سەمەيدە ۇشاق بيلەتٸن ساتىپ العان كەزدە انىقتاعان.
«بەلگٸلٸ بولعانداي, ول قازاقستان ازاماتى بولا تۇرا 2001 جىلى رەسەي فەدەراتسيياسىنىڭ ازاماتتىعىن العان. سونداي-اق جەكە باسىن كۋەلاندىراتىن قۇجاتتى تاپسىرماي, زەينەت جاسىنا جەتكەن سوڭ 17 جىل بويى قازاقستاندىق زەينەتاقىنى الىپ كەلگەن», - دەلٸنگەن اقپاراتتا.
قازٸرگٸ ۋاقىتتا 76 جاستاعى ەيەل ادام قر ازاماتتىعىنان ايىرىلىپ, تيٸستٸ قۇجاتتار تەركٸلەندٸ.
وعان قر ەقبتك-نٸڭ 496-بابىنا سەيكەس 100 اەك كٶلەمٸندە ايىپپۇل سالىندى.
وسى رەتتە, كٶشٸ-قون قىزمەتٸ ٶڭٸر جۇرتشىلىعىنا باسقا ەلدٸڭ ازاماتتىعىن العان جاعدايدا قازاقستان رەسپۋبليكاسى ازاماتتىعىنان شىعۋدى ۋاقتىلى تٸركەۋ قاجەت ەكەندٸگٸن ەسكەرتەدٸ.
