Resei azamaty 14 jyl boiy Qazaqstan aýmaǵynda zeinetaqyny zańsyz alyp otyrǵan, dep habarlaidy "Ult aqparat" Qarjy monitoringi komitetine silteme jasap.
Batys Qazaqstan oblysy boiynsha ekonomikalyq tergeý departamenti Resei Federatsiiasynyń azamatyna qatysty alaiaqtyq faktisi boiynsha qylmystyq isti qozǵap, tergeý júrgizgen.
Ol Qazaqstan Respýblikasynyń azamaty bola tura, 2003 jyly Reseige baryp, sol memlekettiń azamattyǵyn alǵan jáne eki memleket aýmaǵynda zeinetaqy alyp otyrǵan.
Bul rette ol Eńbek jáne halyqty áleýmettik qorǵaý ministrliginiń zeinetaqy tólemderi jónindegi memlekettik ortalyǵyna RF azamattyǵy bar ekendigin ádeii jasyryp, QR-da zeinetaqy alýǵa qujat tapsyrǵan.
Osylaisha, 2006 jyldan bastap 14 jyl boiy aiyptalýshy QR aýmaǵynda zeinetaqy tólemderin zańsyz alyp otyrǵan jáne memleketke 9,2 mln teńgeden astam zalal keltirgen.
Batys Qazaqstan oblystyq sotymen ol QR QK 190-b. 1-b. 1-t. qarastyrylǵan qylmysty jasaǵany úshin aiypty dep tanyldy, oǵan 3 jylǵa bas bostandyǵyn shekteý jazasy taǵaiyndaldy.
Biyl osyndai faktiler boiynsha birneshe qylmystyq is qozǵalyp, sot úkimi shyqqan.
