Resei úkimeti avtomobildi 1990 jyldardyń bas kezindegi norma boiynsha shyǵarýǵa ruqsat berdi. Munan bylai jańa máshinelerde qaýipsizdik jastyǵy bolýy mindetti emes. Qaýipsizdik belbeýi "Eýro" ekologiialyq normalaryna sai kelmese de bolady. Qaýly quqyqtyq aqparat resmi portalynda jariialandy, dep habaralidy Azattyq.
Munan bylai avtomobilderdi ABS antiblok júiesinsiz jáne avtomobil turaqtylyǵyn baqylaýǵa arnalǵan ESP júiesinsiz shyǵara berýge ruqsat bar. Apat bolǵan jaǵdaida shuǵyl belgi beretin "ERA-GLONASS" júiesin qospasa da bolady.
Bul ózgerister Resei ekonomikasyna saylnǵan sanktsiiaǵa jáne mikrochipterdiń tapshylyǵyna bailanysty jasalǵan.
Avtomobilderge qoiylatyn tehnikalyq talaptardyń kóbi 2000 jyldardyń bas kezinde Reseige Batystyń iri avtoóndirisi kelgen kezde paida bolǵan.
Olardyń kópshiligi Resei Ýkrainaǵa basyp kirgen soń ketip qalǵan.
Germaniianyń BMW máshinesin qurastyratyn "Avtotor", Sankt-Peterbýrgtegi Hyundai men Toyota jáne Volkswagen kompaniiasynyń eki zaýyty toqtap qalǵan. Máskeýdegi Renault zaýyty men AvtoVAZ-dyń baqylaý paketi memleketke eki rýblge satylǵan. Munan ózge de avtobólshek shyǵaratyn zaýyttar jumysy toqtaǵan.
