Resei astanasynda koronavirýs juqtyrǵan jáne sozylmaly dertke shaldyqqan taǵy 4 adam qaitys boldy, dep habarlaidy TASS agenttigi.
Bul týraly Máskeýdegi koronavirýspen bailanysty jaǵdaidy baqylaý men monitoringileý jónindegi jedel shtabtyń Telegram-arnasynan habarlanǵan.
«Máskeýde 4 patsient qaitys boldy. Olarǵa «pnevmoniia» diagnozy qoiylǵan jáne koronavirýs juqtyrǵany da anyqtaldy. Marqumdardyń jasy 76 men 86-nyń aralyǵynda. Olardyń barlyǵy júrek-qantamyrlarynyń sozylmaly dertine shaldyqqan»,-dedi shtab ókilderi.
Sonymen qatar qaitys bolǵandardyń sozylmaly pielonefrit, demikpe, midyń sozylmaly ishemiiasy siiaqty aýrýmen aýyrǵandary da belgili boldy. Eki adamda qant diabeti bolǵan. Patsientterdiń ekeýi tynys alý apparatyna qosylǵan.
TASS agentiginiń jedel shtab málimetterine silteme jasap habarlaýynsha, Máskeýde osyǵan deiin koronavirýs juqtyrǵan jáne ózge de aýrýlary bar 7 azamat qaitys boldy. Máskeýde virýstan qaitys bolǵandardyń jalpy sany 11 adamdy qurap otyr.
