Qorǵanys jáne aeroǵarysh ónerkásibi ministri Beibit Atamqulov reseilik áskerilerdiń Baiqońyrdan ketýi múmkin ekenin rastady, - dep habarlaidy Tengrinews.kz tilshisi.
"Iá, rasynda da Resei Federatsiiasy ókilderimen Baiqońyrdan barlyq áskeridi tolyqtai alyp ketý máselesi qarastyrylyp jatyr. Ázirshe eki tarap kelissózder júrgize otyryp, naqty sheshimge kelmedik. Biraq osy baǵytta jumys júrgizilip jatyr. (...) Men ázirge bolmaǵan jaǵdaiǵa qatysty qandai da pikir bildire almaimyn. Osy jaily aityldy, endi bul másele talqylanyp jatyr", - dedi Beibit Atamqulov.
"Munyń da óziniń artyqshylyqtary bar, sebebi sol kezde ǵana biz kommertsiialyq jobalardy tarta alýymyz múmkin. Qazirgi ýaqytta kommertsiialyq jobalar álemde úlken qyzyǵýshylyq týǵyzyp jatyr, oǵan degen qajettilik te bar", - dedi qorǵanys jáne aeroǵarysh ónerkásibi ministri Beibit Atamqulov.
