Resei áskerileri jeksenbi kúni tústen keiin Ýkrainanyń Harkov oblysyna 10-ǵa jýyq soqqy berdi. Sońǵy málimetter boiynsha, 97-den astam adam jaraqat alǵan, dep habarlaidy Harkiv Times.
Harkov meri Igor Terehovtyń aitýynsha, saldarynan jeke turǵyn úi aýdany, sýpermarket órtenip ketken.
Oblystyq áskeri basqarma basshysy Oleg Sinegýbov azamattyq infraqurylymǵa, sonyń ishinde sport kesheni men "Nova Poshta" filialyna zaqym kelgenin atap ótti.
Keiingi málimetter boiynsha jaralanǵandar sany 97-ge jetti. Onyń ishinde bes bala jáne eki meditsina qyzmetkeri bar.
Harkovte 30 tamyz reseilik áýe shabýylynan qaza tapqandar úshin aza tutý jariialandy.
Shabýyl saldarynan alty adam qaza tapty, onyń ishinde 14 jastaǵy qyz bar. Qaza tapqandardyń biri – 18 jastaǵy ýkrainalyq sýretshi Veronika Kojýshko.
.jpg)