Ázerbaijan prezidenti Ilham Áliev, Resei basshysy Vladimir Pýtin jáne Armeniia premer-ministri Nikol Pashinian. Qańtar 2021 jyl.
Resei prezidenti Vladimir Pýtin osy aptada Armeniianyń premer-ministri Nikol Pashinian men Ázerbaijannyń memleket basshysy Ilham Alievpen kezdesedi. Bul týraly 23 qarashada Kreml habarlady, dep jazady Azattyq.
Aqparatqa qaraǵanda, úsh tarapty kezdesý Pýtinniń usynysymen Qara teńiz jaǵasyndaǵy Sochide ótedi. Kreml málimetinshe, kelissóz byltyr qarashadaǵy oq atýdy toqtatý boiynsha kelisimniń bir jyldyǵyna baǵyttalǵan.
Armeniia men Ázerbaijan byltyr kúzde 44 kún boiy Taýly Qarabaq aimaǵynda soǵysqan. Erevan soǵysta Armeniianyń jáne Taýly Qarabaqtyń 3 700-den astam turǵyny qaza tapqanyn habarlaǵan. Baký 2 900 azamatyn joǵaltqanyn málimdegen.
Sońǵy ýaqytta Armeniia men Ázerbaijan shekarasynda jaǵdai qaita ýshyqqan. 22 qarashada Armeniia shekaradaǵy sarbazdyń ólimin Ázerbaijannan kórgen. Resmi Baký Erevannyń aiyptaýyn teriske shyǵaryp, "bizdiń áskeriler oq atqan emes, jaǵdai turaqty" dep pikir bildirgen.
Armeniia qorǵanys ministrligi habarlaǵandai, bir apta burynǵy qaqtyǵys kezinde keminde bir sarbaz qaza tapqan. 13 ásker ázerbaijan qarýly kúshteri tarabynan tutqyndalǵan, taǵy 24-i habarsyz. Ázirge olardyń taǵdyry týraly málimet joq. Osyǵan deiin 15 armian soldatynyń oqqa ushqany habarlanǵan. Ázerbaijan jeti áskeriniń oqqa ushqanyn aitty.
