Foto: QR MAM
Qazaqstan Respýblikasy Ortalyq memlekettik kino-fotoqujattar jáne dybys jazbalary arhivinde sybyzǵyshy Ysqaq Ýálievtiń oryndaýyndaǵy halyq kúii «Estek» pen Muhit Meralyulynyń áigili «Záýresh» áni saqtalǵan, dep habarlaidy Ult.kz.
Bul qundy muralar «Arhiv–2025» memlekettik baǵdarlamasy aiasynda ótken jyly Máskeýdegi Memlekettik fonoqujattar arhivinen tabyldy.
Kei derekterge súiensek, sirek jazbalar 1930–1940 jyldary Máskeýde ótken Qazaq ádebieti men óneriniń onkúndigi kezinde taspaǵa túsirilgen.
Bul tarihi jazbalar qazaq halqynyń bai mýzykalyq murasyn saqtap qana qoimai, sol kezeńde ulttyq ónerdiń búkil Odaq kóleminde joǵary baǵalanǵanyn aiǵaqtaidy. Sol jyldary «Izvestiia» gazetinde jariialanǵan N. Izgoevtiń maqalasynda:
«Kazahi privezli takoe iskýsstvo, kotoroe blizko i poniatno ne tolko kazahskomý narodý – ono poniatno vsem… V protiajnyh kazahskih pesniah my slyshali golos kovylnyh stepei», – dep jazylǵan.
Tarihi jazbalar 2024 jyly resmi túrde QR Ulttyq arhiviniń qoryna engizildi.
