Reseilik reper Djigan Máskeý túbindegi kottedjinde qyzmetkerler men kúzetshilerdi shamamen 10 saǵat boiy ustap, qarýdan oq atqan. Sol ýaqytta onyń balalary úidiń ishinde shkaftarǵa tyǵylyp, anasy Oksana Samoilovamen bailanysta bolǵan, dep habarlaidy ult.kz.
Oqiǵa 3 shildeden 4 shildege qaraǵan túni «Shato Soveren» kottedjder qalashyǵynda bolǵan. Bul týraly aqparat tek 23 qyrkúiekte tarady. Birneshe reseilik BAQ oqiǵa týraly Telegram-daǵy Mash arnasyna silteme jasap jazdy.
Aqparatqa sáikes, Djigan kamýfliaj kiip, «Saiga-9» karabinin alyp, úi qyzmetkerlerin qonaq bólmesine jinaǵan. Ol olardy túrli áreketterge, sonyń ishinde «satqyndyq» pen aqparat taratty dep aiyptap, keiin oq atqan. Kúzet qyzmetkerleriniń biri qoly men aiaǵynan jaralanǵany habarlandy.
Oqiǵa kezinde reperdiń balalary úide bolǵan. Olar shkaftarǵa tyǵylyp, bolǵan jaǵdai týraly anasyna habarlaǵan. Kei derekterde balalardyń ákesinen qorqyp, anasynan kómek suraǵany aitylady.
Atys daýysyn estigen kórshiler politsiiany, eldi meken kúzetin jáne Djigannyń tanystaryn shaqyrǵan. Keiin kelgen adamdardyń kómegimen reper zalalsyzdandyrylǵany habarlandy.
Oqiǵadan keiin Djigan Izraildegi ońaltý ortalyǵyna jiberilgeni jazyldy. Alaida onyń emdelýine dál osy oqiǵanyń sebep bolǵany ázirge resmi túrde rastalmaǵan. Sonymen qatar politsiia nemese Tergeý komitetiniń oqiǵaǵa qatysty resmi málimdemesi jariialanbaǵan.
Oqiǵa kezinde shetelde bolǵan Oksana Samoilova keiin balalaryn alyp, Máskeýge oralǵany týraly aqparat tarady. Kei derekterde ol otbasynyń qaýipsizdigine alańdap, kúzetti kúsheitkeni aitylady.
