Qazaqstandyq áleýmettik jelilerde reseilik bloger ári «qarym-qatynas koýchy» Denis Baigýjinniń málimdemesi qyzý talqylanyp jatyr, dep habarlaidy ult.kz.
Podkasttardyń birinde bloger qazaq áielderi er adamdardy tabysqa jetýge jáne qarjylyq turǵydan ósýge yntalandyra almaidy degen pikir aitqan.
– «Qazaq áielderi – nashar mýzalar. Olar er azamattardy úlken tulǵalyq jáne qarjylyq jetistikke jigerlendirmeidi», – degen ol.
Suhbattyń bul úzindisi áleýmettik jelilerde jyldam tarap, qazaqstandyqtardyń narazylyǵyn týǵyzdy. Jeli qoldanýshylary blogerdi negizsiz jalpylama pikir aitqany, áielderdi qurmettemegeni jáne qoǵamǵa stereotipterdi tańýǵa tyrysty dep synǵa aldy.
Kópshilik er adamnyń jetistigi janyndaǵy áielge ǵana bailanysty emes ekenin aityp, mundai málimdemeler qoǵamda tek alaýyzdyq týdyratynyn ári shynaiy ómirge janaspaitynyn jetkizdi.
