Qazaqstanǵa kirýine bes jylǵa tyiym salynǵan sheteldik bloger elden shyǵaryldy. Astana politsiiasy ony ushaqqa deiin shyǵaryp salǵan sáttiń videosyn jariialady, dep habarlaidy ult.kz.
Politsiia málimetinshe, ózin Fasoollka dep tanystyratyn strimer Qazaqstanda tikelei efirler júrgizip, elge qatysty arandatýshylyq jáne destrýktivti pikirler aitqan. Ol jekelegen Qazaqstan qalalarynyń aýmaqtyq tiesiligine jáne eldiń aýmaqtyq tutastyǵyna kúmán keltirgen.
Sonymen qatar bloger Qazaqstan azamattary, olardyń mádenieti men dástúrlerine qatysty mensinbeitin stereotipterdi paidalanǵan.
Quqyq qorǵaý organdary onyń efirlerin áleýmettik jelilerdi monitoringteý kezinde anyqtaǵan. Sot sheshimimen bloger ákimshilik jaýapkershilikke tartylyp, aiyppul salyndy. Sondai-aq oǵan Qazaqstanǵa bes jyl boiy kirýge shekteý qoiyldy.
Politsiianyń habarlaýynsha, qabyldanǵan sharalardan keiin sheteldik azamat Qazaqstan aýmaǵynan shyǵarylǵan.
